luns, 20 de novembro de 2017

Marcha polo sendeiro do Gafos até o Muíño de Cabanas

6ºA e 6ºC
En Campolongo

Na canle do Muíño

Preto do Muíño 



Muiño do Coto
Ponte Boleira

Alumnado de 6º de marcha polo Gafos.

sábado, 18 de novembro de 2017

A moura do río dos Gafos

Sacada da páxina de Galicia Encantada

"O pego do río dos Gafos coñecido por poza da Moura, ao pé das Brañas de Salcedo, onda o Mar da Presa, encalco do muíño de Cabanas, está vencellado á lenda dunha moura, encanto de loiros cabelos, xenuíno ser mítico do patrimonio inmaterial da galeguidade:
Contan os nosos maiores que hai moito, moito tempo, un labrego da contorna, alindaba o seu gando nas Brañas, á beira do río dos Gafos. Coma ensoñación, do goio xurdiu unha fermosa muller en cuxos cabelos aniñaba o refolguexo do sol. A engaioladora dama adiantoulle que unha das súas vacas ficara preñada había pouco e que ía parir dúas fermosas crías, un xato e mais unha xovenca. En troco polo bo agoiro, a moura pedíulle ao gandeiro que lle chimpase a becerra na poza cando a vaca librase.
Pasaron os meses, pariu con ben o animal e, consonte o vaticinado pola xacia, trouxo unha repoluda parella de vitelos. Lembrou, daquela, o noso home, o trabuco avindo. Botou contas e reparou que, na feira, pagaríanlle mellor a becerra, polo que no canto de botar na poza a femia, botou o macho. Nun pestanexo, as augas calmas argallaron un remuíño e do ollo da ola aboiou unha grade de pau. Sentada nunha pena do río, fíxose visíbel a moura, recriminoulle ao labrego o seu aquel migalleiro e, antes de se sumir no piago, díxolle que de cumprir co trato, teríao agasallado cunha grade de ouro.

Bole na aldea unha outra versión, que, segundo o escoitado, é a que se lles adoita contar aos cativos:
Os vellos advirten os nenos do perigo agochado na poza da Moura, posto que, hai anos, un home que pasaba polo lugar guiando unha xugada, por causas aínda non ben esclarecidas, caeu ao río e xamais nunca se volveu saber del. Sospéitase que andaba en tratos coa moura da poza e quizais por non gardar fidelidade á palabra dada, o encanto cativou o campesiño, a parella e mais o carro, ad vitam aeternam, na insondábel fondura."

mércores, 28 de xuño de 2017

Visitando un "xacaranda" e a flor de San Xoán


Na última saída cos de 2ºA antes achegámonos a dúas árbores (un deles arbusto) que temos no Parque de Campolongo, un xacarandá e a "Herba de San Xoán" de viveiro.

martes, 27 de xuño de 2017

Preparando as Fichas do Herbario





Herbas da contorna








Follas de distintas plantas e árbores que atopamos nas nosas saídas

As nosas Herbas de San Xoán

Artigo relacionado

Rincón do Proxecto Ríos


Temperatura do río en maio





Aínda que no mes de abril analizouse a temperatura da auga do río,  a primeiros de xuño volveuse a facer con todo o grupo. A temperatura pasou de 16.5 a 18 graos. 
Cando a temperatura aumenta disminue a fixación do osíxeno na auga.

O noso tramo de río para estudar, vixiar e coidar


Ponte da Estación
Ponte Boleira

O noso tramo de río adxudicado : dende a Ponte da Estación ata a Ponte Boleira. En xuño leva pouca auga e o pouco caudao fai que as herbas afloren e non deixe circular ben a auga.

  Ver máis sobre o Proxecto Ríos